SCHRUMMELI 2026

S Schrummeli isch öppis zwüschenere Stuubete und ere Vorfasnachtsveraastaltig, wie me sy kennt… oder ebbe doch nit kennt? S isch allewyyl e weeneli chaotisch, nit ordentlig duurenorganisiert, aber neumeduure sin die Schrumlige au ganz e bitz stolz uff genau das.
In däm Joor wämmer am Valentinsdaag ganz vyyl Liebi verbraite und villicht sogar no e bitz Fasnachtsvorfreud.
Kumm verbyy, loss di druff yy und gang mit eme Schmätterling im Buuch haime...